Shuwa here wafuratira, Vana! Vanodanwa nemutupo wako kana riri shavi chimbonyengetera.....
Vana kusuwa nyama kuseva neishwa. Asi muriko kubhawa murishoroma kugocha bhuru rese...
Izwawo moyo kudzimba uri munhu wani, mkadzi wawasiira pwere wamupa mutoro sepa calvary...
Pwere dzosaro gwesha mujinga maAmai, yodziriritira nhiyo sheshe iriyoga jongwe raendaa...
Urikuzvigokera moto mumboni yeZiso, ndicho chinhu chinodzimba Ngoni misodzi ye pwere ikachururuka....
Rega kuzvi gokera moto mumboni yeZiso, ndichochinhu chinodzimba Ngoni mai vadzo pwere vaka gunun'una..
Shamhu yaucharohwa nayo adzika Mikairi, ine minzwa inodzura nyama usazoti vanegodo vandiroya...
iiiii vavandudzeiwo jaire,
Vanhukadzi vakasiirwa pweere jaire
Nyangwe pavanobuda kuno reedza jaire
Ngavabate gwaaya pwere dzirarame
Asi kune varume vanoredzera kurera pfambi.
Ngava bate nyoka nyamafingu igovakobora.
Yuhwi mandinyadzisa mfunge Gurundoro, shuwa murume mkuru kutiza vana kuteera ponzii.
Saka kana pakadaidzwa varume munodaira here, Gurundoro musadaire varume ndivo vaya vanoriritira mhuri.
Vaari kukanga nyama vana Jezebero, munhenga munodonhe kupfambi asi pwere kumba dzichidya chidokohori.
Kura muchinda rume hombarume pepukaa, kupfambi hakuna mapfihwa ikapera pfuma unodzingwa sembwa.
Nzira yowofamba variko vazhinji vakamboifa, asi hakuna akakudzoka hanzi mberi kune bhinya rinodzura moyo.
Ukangodziringa tsapfu watovhiringika, wavakutenge chimbwa mpengo kutosiya yese nyangwe neye rent.
Gonya zingizi maruva haapere ayaa, chingotemha rimwe uise manyowa woridiridziraa.
Gonya zingizi maruva haapere aya, rinobhuruma rawakasarudza ukaridiridzira.
Worega kuisa mhuno yako mubindu revamwe, ukadaro unozonzwa kunge rako risiri kunhuwira.
Rega kupomba unodzima mwenje, unozarura misuwo yekuti ma mhepo akushungurudzee.
Ndiinzwe waifanira kuenda mberii, asi mukupomba mune madhimoni anoba chipoo,
Handisi kunyepa kune nyoka huru igere mugungwa, Kana wango pomba inotora mwenje yokanda mudziva..
Variko vakadzi vakamirira kunza misha yemanwe Madzima, varikoo vazere muguta vakapihwa simba nenyoka mugungwa, vaone musi we svondo unoti ndamuwana magadharina, izvo ibere rine domba rinovhima chero mudanga mako,
Ngiirozi dzakavaringa neZiso dzvukuu, dziine hukasha dzichi zuzuma kunge zindi remago, Shamu yavacharohwa nayo adzika Mikairi, ine minzwa inodzura nyama vachazoti vane godo vandiroya
No comments:
Post a Comment